放榜了，A3 CityU 的Building Services Engineering，一切也在預計之內，有Degree讀也算是一個交代吧。嘿嘿~~又在自我安慰了~~
咁就四千二，也不是一筆少的數目，non-refundable and non-transferable，大學真是什麼也不要緊，最重要是錢。或者該說是這個世界做就出這樣的價值觀。

話說，總算找到了歌詞，挺不錯的~~

年度悲歌

原曲：年度之歌
曲：Christopher Chak
詞：黃偉文
改編詞：周博賢
唱：J.O.Y.

陽光充沛的天際
年輕曲線的身體
羅衣稍作遮蔽
水中搖與曳
使你心癢沉迷

長被壓抑宅男飢餓腸胃
營造了機會予商家發揮
還遇上一族年青少艾
爭取瞬間出位
催化一刻氣勢

然後大報天天寫稿
蹤跡天天報
彷似世上只得o靚模
還詳述薪金怎高怎高
住豪宅剎那做到
如同在說不需清高
用捷徑上路
至算著數和食腦
想得到超滿意回報
只需要生理發育好
抬舉消費的經濟
誰搵錢誰可稱帝
原則可以不計
歪招搏出位
不會於心有愧
貧賤作家歷年刻苦坐低
成就了書本文筆多流麗
難敵那些奔放小美麗
搔首撩弄肢體
境況多反智慧

凝望社會這種走勢
怎會不衰到底

7月24日    星期五

踢了幾年波，發覺睇唔清真係好唔掂，人都認唔到，波又睇唔到，仲不自覺地會眯起隻眼，搞到隻眼又攰又辛苦；今日終於扚起心肝去配con，不過都係先配近視only，散光太貴都係遲D先算

7月25日    星期六

今個主日聖堂要換書，朝早出去幫手搬書返美孚，重死了~~
然後去曼克頓山間茶樓食晏，之後同阿爸阿媽上劉生間office飲茶，沒錯，是飲「茶」~~XD
有機硒茶(其實我到而家都未知呢個字係點讀，是「西」嗎?)，好似話有好多功效，又對癌病有效，又話可以排毒.......複雜死了。不過也沒差啦，我就是喜歡飲茶，是喜歡茶的味道；真的不太像個年青人XDDD

然後去同5C班人食飯，原本又話有好多人，多到數唔到，跟住去到得返十個人。原本話去打邊爐，跟住又話唔去打邊爐，最後係街上遊蕩好耐先決定入去一間茶餐廳搞掂，慳返成六十幾，也不錯啦，之後去食糖，大家也沒發現少了姓勞，完全忘記了他耶，哈哈~~

7月26日    星期日

一年一度的足球比賽，已有差不多一年多沒踢過波(落場踢兩腳就受傷了的不算數)，重新戴上了久違了兩年的龍手套。感覺差勁了，完全忘記了該怎麼去守，進入不到狀態，兩球可以救到的也救不了，最低だ~~

還有五十多個小時便是JUPAS放榜，這才是叫作決定生死的揭盅，一切也到那天才算~

A-level放榜，JUPAS亦都排了
接下來就是「望天打掛」喇

4D1E，actually係既有驚亦有喜，驚係Phy、Chem竟然係C都無，喜係中英竟然合格之餘有個D
不過應該都對入大學無咩用就是了
是我自己真的懶了，還是我是不夠別更努力呢？不過也沒差了，一切已成定局，都過去了

但說真的，見到這個成績，我沒有多大的感覺就是了；就只是好像知道了一個客觀事實──我拿了一個咁的成績，然後就是要把收分不高的科目調上去，that's that。只是一連串的行動，不涉及任何情感的動作。
發覺自己真的很像麻倉葉，船到橋頭自然直嘛(宗教些就是天主自有安排)~~每次都只顧眼前的事就算了，接下來即使會怎樣，發生任何事，也沒啥關係，總之自會有辦法啦。

不過想深一層，不開心是有不開心啦，但不開心的原因不在於成績低得如此，而是感覺上辜負了師長親戚朋友師長旁人的期望吧

經過今次，或許也是一件好事。這兩年──特別是考完試之後──總覺得很累。不是肉體上的好累，而是覺得人生上已經過得很累很長，做一件事，做完就是完了，只不過是在人生路上多走幾步罷了；這條人生路已經行了很多，很足夠了。雖然想做的事仍未做得晒，但總覺得即使明天會死掉也沒差啦、也不錯啦‧‧‧也許就是這種感覺，使我以「船到橋頭自然直」為我的態度吧
今次咁樣，都令我要認真少少度JUPAS的排序，的確係俾返少少motivity我，會去考慮下咁樣係咪真係好，不過依然係個句，很累

4月11日苦難日，一早出聖堂拜苦路，出奇地竟然有13個輔祭，哈，19歲仔都係第一次見，勁呀~~

跟住當然係準備苦難禮儀的事，買了支碧麗珠抹苦像，我地的King Sir係到用省銅的力度係到狂捽，傻架條友，抵佢俾修女話XD

最厲害係終於可以木槌再現。曾經一度失蹤了的木槌竟然搵返啦，這可是絕版了的耶~~全香港只係得2個，一個仲係係修院的文物室到封印住XD

今年終於可以排到隊做修和，好似已經有幾年無做過la，每年呢個時候都係俾輔祭的事忙到排唔徹做，跟住又懶唔去直接搵神司

整個禮儀都做得唔錯，OK，不過就唔記得教人點打木槌，搞到斷斷續續咁，算數啦~~
最正係恭移聖體上經樓的時候，有人係前面大叫一聲：請起立，跟住就聽到陶父好惡咁講：坐低呀(其實佢係講坐低定跪低我係唔清楚的，不過也沒差la~)

四月四日清明節
每一年的慣例拜山，今年亦唔例外。每年都爬個條長命樓梯，絕對唔怕會出現運動不足的問題XD。上到去竟然唔多人，唔洗同人迫，真係勁神奇~~

每年我都會諗，其實應唔應該帶小朋友去拜山呢?沒錯，帶小朋友拜山係可以教導佢地慎終追遠，但要佢地吸埋D咁臭的廢氣，對佢地的健康又唔好。而且又要同人迫又辛苦，會唔會令佢地討厭清明節從而討厭追憶先人的考道呢?!

拜完山之後落返新都會到食lunch，走去一間叫茜廊的餐廳，超唔ok lor~

夜晚竟然唔洗去阿嫲到食飯，又一神奇之處~~

四月五日，聖枝主日，無咩特別的一日，夜晚同會長一家食飯，癡線，條友由講我地輔祭會要反抗強權，講下講下無啦啦朋友上腦，跟住到魯魯修，又相樂左之助.........救命~~

我地輔祭會幾時可以擺脫咕喱會呢個宿命~~XD

話說，諗返起英文listening最後的時候，聽到的竟然係唔係Green Sleeves而係藍色多惱河，哈，又會咁的，不過係咪都好，都係一種享受